Batalha deis Aigas Blavas
La batalha deis Aigas Blavas se debanèt en 1362 ò en 1363 lòng dei ribas dau riu Synjucha. Opausèt lei fòrças dau Grand Ducat de Lituània dirigidas per lo grand duc Algirdas (1344-1377) ai tropas dau Khanat de l'Òrda d'Aur comandadas per Kutlug Bey. Lo debanament precís dau combat es mau conegut car l'unica descripcion ne foguèt escricha en 1582. Pasmens, lei Mongòls i subiguèron una desfacha importanta que permetèt ai Lituanians de conquistar Kiev.